仲想買盈富基金?睇定啲先啦

如果你是盈富基金(2800)的小股東,有冇發覺近期股價的表現易跌難升?年頭係威係勢,仲跑贏美股,但衝破30元水平之後逐漸回落, 最近更加見紅😫。相信短期內,睇唔到有太多好消息沖喜一下,投資的話要研究下先。

大家有沒有留意到,今時今日的盈富基金,投資最大的比重是那隻股份?答案就是阿里巴巴(9988)😲,佔咗整體投資比重達9.52%。


圖:盈富基金阿里巴巴近一年股價表現

恒生指數世紀大改革 投資有影響

講到盈富基金表現,不能不由恒生指數講起。

盈富基金作為香港最大的ETF,基金追蹤的是恒生指數,恒生指數包含什麼成份股,盈富基金就會投資什麼。隨着恒生指數不斷變變變,科技股及中資股佔的比重將越來越高,近期中國的政策風暴降臨,科技股成為重災區之一,港股及盈富基金都要跟隨住潛水。


圖:盈富基金十大持股(17/8/2021)

有關恒生指數的世紀大改組,不妨重溫這些文章:
恒生指數大變身 小散戶有乜影響?

至於第二大比重的股份是友邦保險(01299),佔整體恒指的比重達8.03%,靠佢都難撐起大市,加上在恒生指數大變身下,每隻股份佔比重以8%為上限,日後恒生指數成份股再執位,友邦佔比重唔會增加,作為基金的投資大戶,預計都唔便隨便增持友邦,令到友邦上升動力唔大。

話得說回來,恒生指數公司會在星期五(8月20日)收市後公布季度檢討結果,預計會再加入一些新的成份股,一步一步向80隻目標數目進發,恒生指數新貴預料都是中資股,以近排的市況,可能是一些內需的中資股呼聲較高🤔。

在中國監管風暴之下,外資對投資中資股的興趣,特別是科技股的興趣開始轉淡, 或者可以用意興闌珊來形容,另方面,近日中國出的經濟數據,都比市場預期的弱,例如社會消費品零售總額增長8.5%,創今年年初以來最低,工業生產增加值增加6.4%,也是去年8月以來最低,令市場對經濟復甦的擔心,個別的內需股份即使做得好,都很難撐起大局。港股短期內未見好大的動力,投資盈富基金,相信亦都預咗要躺平🛌🛌好一段日子,一如之前筆者的形容,波幅大過升幅。

想閱讀更多關於港股、美股的分析文章,歡迎訂閱我們的Patreon

我哋嘅新書《如何入場買美股》入門篇,已經在Amazon上架啦!