港版納指推出 有甚麼投資機會🤔

見到美國的納斯達克指數屢創新高,唔少香港的股民都期望,本地都有隻像納斯達克的科技指數出現,唔使捱更抵夜😴,望住人地嘅QQQ。在這星期終於願望達成🎉一半,港版納指即恒生科技指數正式出台。

🤫QQQ即是Invesco QQQ ETF,美國上市追縱納指100的ETF。

現階段出了指數,大都都係有得睇,冇得參與。因為並沒有相關的指數基金、ETF或衍生工具出現,小股民只得繼續炒個別股份,恒生科技指數升定跌,唔會太過關心。

恒生科技指數內容你知多少?

不過,大家唔使擔心,基金公司應該比你更加心急,會盡快推出恒生科技指數相關的ETF等的投資產品。或者在這個時候,俾多少少背景大家,日後推出恒生科技指數ETF的時候,可以好快作出反應。

  1. 恒生科技指數從香港上市的科技企業篩選後最大30間公司
  2. 成份股中,沒有一家是本地公司,所以指數代表的是內地科技企業,日後大家搵資料,最好去內地網站睇睇,可能會又快又多。
  3. 恒生科技指數成份股30隻市值超過10萬億元,是僅次於總市值14萬億美元的納斯達克指數,全球第二大單一市場的科技股指數,一啲都唔失禮😛
  4. 根據恒指公司推算,恒生科技指數於 2019 年全年及 2020 年上半年的回報,分別高達 36.2%及 35.3%。升幅拍得住美國納指,換言之,估值同樣都唔平。
  5. 指數推出時,最大5隻股份,即ATMX,阿里巴巴(09988)、騰訊(00700)、美團(03690)、小米(01810), 佔指數比重高達四成。見到這幾隻股份的表現,都可以粗略推算到這一隻港版納指的表現。

恒生科技指數登場首日(27/7/2020)跌1.3%,其實對股民沒有影響,反而有機會大跌的話,可趁 “低” 吸納,一旦相關指數批出,基金會買入指數的成份股,凑成一隻跟指數一樣的基金或ETF,供大家認購。對香港上市的科技股有興趣的話,可以揀一些比較大的成份股入市,預先偷步。不過,科技股的波動比較大,投資前要做好研究及風險準備。

圖:恒生科技指數上市前的十大成份股及佔指數比重

講開又講,如果基金公司推出恒生科技指數ETF,相信有機會跟盈富基(2800)搶客,不竟新經濟股比較有活力。到時大家又睇睇值唔值得加入你的組合之內,提升整體的回報,不過又係一句,波動和風險也會高一些。

0