美國小散戶至愛的50隻股票

美國政府通過史無前例咁慷慨嘅1.9萬億美元刺激經濟方案,合資格民眾可以收到過萬港元的援助金,預料支票最快3月內發出。呢筆錢到底對股市會有多大的影響呢?

與其說話振興經濟,可能好大機會用來振興股市😄。好多年輕的小散戶都打算將部份收到的錢投資在股票身上。到時唔知會唔會令到股市禾雀亂飛?

根據德意志銀行的調查,三份二年齡細過34歲的投資者,會將部份收到的支票,用作買股票,而55歲以上的,就少於四分一用來買股票。

美股市受到幾大的支持,可能需要遲下先知,不過近年有個趨勢,就是小散戶的影響力開始抬頭,呢個現象多得由Robinhood帶起的免佣、低收費證券買賣服務,令到小散戶參與度不斷增加。

這批股民跟傳統的投資者有乜唔同?不妨睇一睇佢哋持貨最多的50隻股票。以下是Robinhood截至2月25日,客戶持貨最多的50隻股票。


資料來源:Motley Fool

50隻股票,除了大路的藍籌,亦有唔少細價股。例如排名在頭五位的兩間公司,AMC和 Sundial Growers(SNDL), 市值分別58.6億及25.1億美元,跟蘋果公司(AAPL)的2.1萬億美元和Tesla(TSLA)6497.1億美元市值,真係蚊髀同牛髀。

值得一提Robinhood的客戶,平均年齡是31歲,美股經歷牛市多年,這批新手恐怕都未遇過股災,所以投資起來,可以好勇猛,一旦出現股災,美股大上大落的波動有機會比以前大。