邊啲股票可以長揸10年?

新手入場買股票,或者有人會教你長揸10年先至會有成績,這一個策略還是可行嗎?其實要睇幾個因素。

今時今日科技發展得非常之快,科技的出現令到唔少傳統行業受到淘汰,長揸一隻股票, 間公司十年之後,都還不知道捱唔捱得住,或者繼續存在係度。所以打算買一隻股票長揸10年,其實要很有技巧。

邊啲股票可以長揸10年?

1. 有朝氣、有活力嘅公司
香港不少的傳統企業,都出現一些老化的現象,對適應環境嘅能力並不敏感,如果一些沒有朝氣、適應能力較差的公司,即使能夠捱到10年,可能股價都係跟10年前沒有分別。

2. 不容易被取代的行業
科技的發展好快,同時對唔少傳統行業帶來破壞性嘅衝擊,如果你打算長渣10年,最好選擇一些公司,不容易被取代,例如本身就有一道護城河,在市場佔有率非常之大,競爭對手唔易攻破,或者享有專營或專利地位嘅公司。

3. 新冒起的行業
有一些公司越做越大,同時間市場發展空間廣闊,行業處於一個上升的周期,這樣可以往後仲有一段個長時間的發展,競爭即使出現,未致於相互之間爭奪市場,反而市場嘅餅可以越做越大。

4. 優質管理層
一間公司有一個優質嘅領導層係非常重要,可以帶領公司尋找新發展機會,遇上任何的挑戰威脅,都能夠安然渡過,找到新出路。

5. 善待小股東的公司
如果大股東不務正業,或者經常想打小股東的主意,例如一遇到股市低潮,就急急在股價低殘的時候提出私有化,令到小股東被迫低價將股份拱手相讓,這樣10年之後,公司隨時不再存在。

今時今日市場環境變化很大,行業成長周期越來越多短,投資要睇長線,要識得揀選合適的股票,搵一個有潛質嘅行業、優質嘅管理層,有競爭力嘅公司,咁樣投資先可以安心一啲,等錢幫你賺錢。

+1